Saimajia mmaakat

Tü DCS Uchikalirua Perija, shia wane korolo aimajakat, tü wunuulikat, tü wüinkalirua, jotta musia mmaakat. tü shia sainkaa uchiha ya wajira, eere shintiirain tü sukuaipa maakat suma sukuaipa wayuu.

Tü Maakat shia süuchajaa achiki tü sukalinjatü tü kasa choujakali main, maaka sain wüin, mmaa, jotta wane pütchi analüluin suula waima shia. tü nakumajüinja sukuaipa naa, yajewalikana, naa kepiashikana sütpa, nan laulayuukana jotta wane yalejeerü süpüla lotüinjatüin sukuaipa saimanjia tü mmaakat, napüla naa wayuukana jotta mujsia anaijatüin tü mapaakat.

001-img-Distrito-de-Conservacion-de-Suelos-Serrania-de-Perija

🏔️ Uchikalirua perija: shia süuleeka tü anaa akuaipa, sunüjulaaya tü maapakat

Tü uchikalirua perija pachiiruas, shia shiwaasakat suule tü mmaakat kolompia suulia venezuela. chiakalirua cha entüin eemüin tü departamento Cesar jotta musica wajira. tü sukuaipakat kojuuya sümúin, naaya saapü wattain ipuuna, sawajüin 3500 msnm. musejese kojuyain tü saayulakat, unatpukat tü sheeka tü wuchikalirua.

Sünainje tü sukuaipakat anas tü kasakat yaaka suluu, yaaje eere joson mmaakat chaamüin sünaimüin eere chuulüin, jotta musia eere saamatüin. shia mojeeruin maaka nojolüin saimajünüin. maayapaje tü maaka nojolüin anain süpüla apünajuushi. anasie nee, suuka anain wüinkat nojotsü itamaatüin.

Koroolo kojutsü main, waima sukuaipa atüma shiire nojolüin kasanjatüin alatüin sümüin. shia korpowajira kamakat sukuaipa. jotta musia USAID eesü sünitki sao suuma saimajünüinjatüin.suuka saapain shia USAID sou tü juyakat 2017, anoutaasü sukuaipa.

Shia maulü joule, shia wane kanülias, sukuapa sainjia. ainjuushi tü sumaajira tü yaaashikana sütpaa kojuyaashi nayaa, shiire tü nanajüintaüin sao tü wnüukalirua jotta musia tü wane kasakalirua.

Saayula maakat yaaya, ekai uchikalirua perija, suuma sukuaipa tü kasakalirua.

Tü sayuulaka uchikalirua perija, ounus shiichirua apünis kasa, tü palajatkat shiayane uchikat, jotta wane shia sukat peejen sunain uchika Santamatta y jotta musica apünitka alu shia tü, shia tü jottaikalia entiraas.

💨 Jottai pimaka atüma sukuaipa tü saayulakat

Tü jepirachi alüjüsü wuin, shia sütatlüin tü uchikalirua perija. musejese chajeerü eka venezuela, juyapüs wanepia, jotta musia yaaya eere tü DCS nojosü eitüin juyakat, joosos maakat, shiale ya unaapüna.

💧Chaaya iipuna eere waiman kasa

Chaaya iipuna sünan uchikalirua perija, saaatüs, anas chütsü shiayaa. sütüma müin shia akümajaasü wane samalaa jo saayula maakat, esüjeese wüin akümajain sauje uchiikat. shiasa tia komüinkat shinña liwotpükalirua, wüinkalirua chaawatkat emüin shiipiakat alijuuna yaaya wajira.

🌦️Saayula maakat awanajaasü wanepia, mmaakat miñaasü

Maaka shiitüule yaaya, alaanas suulia cientua süpüla juyakat. jotta musia shinñaka eesü maakat 1.240 mm wüinkat. jotta musia suka joosoin maakat saajain wüinka motsoochon, jotta süma iitamaatüin nee shia. piantua süpüla juyaakat jain main chi kaikai. piantuwa saamatüi shiayaa sou juyakat.

Eere sükümajain wúinkat, saaka wajira

Tü DCS chas chaya eere wane mma motzosshi chi kaluukai chi wüinkai mioshikai Cesar. jotta musia chi mmakai tü nerulüinkai eesü maaka 4% saakaje wajira. yaaya shia eere sükümajain wüinkalirua, liwotpükalirua asünakat sütüma watta saalin wayuirua suma alijuna. jotta musia süin pünatjü.

Chajeechika iipünaaje eeje tü uchiha perija akümajaasü karatshisü wuin amülakat eemüi chi wüinkai Cesar, maaka nipemejaka tü uchikalirua, jotta musia mmaa unaapunakalirua.

Wüin Marquesote

Wüin Riecito

Wúin villanueva

Wüin Mocho

Wüin Molino

Wüin Capuchino

Wüin Pereira

Parque-Regional-Natural-Cerro-Pintao-corpoguajira

Wane anajuushi, shia nojolüin jamein nia.

Tü DCS süpüshi wane wüin mmaapüsü kanüliasü Rancheria, sheerülüin eessü maaka sain, 1453 km. yaaya entünü anain maaka 63 mayaka sain.

Chi wüinka mmatpünajaachika epemajiraashi nümaa chi kanüliakai Fonseca (san juan ) yaaya chi mmakai atai main, musejese nojolüin nüsapünaa nümüin tü wüinka shinñaka juyaa. sou wane juya koomüinshi maaka, 100 mm. aitakajee maulüya matüjajao jeerain main wüin yaalakat nüuman unatpü.

Tü mmaa mioska kanüliakat Caribe süumanas maaka 9.9 % . tü wüinkat saakajee tü wüinkalirua sümaanaka kolompia. musejese ein süpüla sajaalain wüinkat süka yotchoin shia. maaka müle shia ojosojoowe maakat supushuaya.

Chayaa Molino maakat amülois maaka sain 88%
Villanueva: maaka sain 80%
Urumita sawajüin 65 %

Tü wüinka mioskat main Cesar eesü shinña maaka 60 millones m3, süpüla juyakat. süpüshi tü wüinka aapanüsü 23 millones. shiasa süka kojuuyan wayuu suma alijuna süpüleerua, anüutaka joutaika soomüin, jo niño naaka. eesü süpüla sajatteerüin wüinkat.

Uchikalirua perija: tü uchikalirua jüittüs suunainje sheejirain tü mioyuukat

Tü uchikalirua perija, mioyuyu main suma pachiirüan, chaa chaaya palaamúin sünainje Kolompia, eka wajira. shiiki sumaiwa kakaityait main, watta saalin juyaa alatüsü shichikije sükamajaiwa. eesü wana sumaa tü maakalirua shintirain, müin sheejiraakai ain, wana suuma tia.

Na maa asheejiraashikana, nayaa na kanüliakana, Nazca, suramericana del caribe jotta panama. shia sünainje nashejirain shialeerakat süpushii mmaaka ipunaamüin, jo anü uchitpaain. maaka sain tüura Andekat. jotta musia tü perijakat.

Ipairua kaamanasü kuentairua kakaiyait

Tü DCS sausü wane mmaa noumampüsü na namaiwajanakana Chibcha. shia sainka eere joyotüin Kolompia sao. Sünülia, “Formacion la Quinta” shia wane maa kakasü tü ipaka sheejenalakat tü uuchi kasimakat süleerü. ein maaka sain 191 jotta musia 164 millones juya alatüin shiikijee. eesü wanaapunaa suuma tü kanülikat periodo jurasico,

Wana sumaa joulü tü uuchi kasimakalirua süleerüje.

Ipairüa akolochojuusü: mmaa, kijoo jotta musia shinsha kasaa outüsüin.
Ipaa sulujeje, tü uchi kasimakat süleerü: ipaa koujuusü, ipaa apünis shiñoun jotta suwaa tü uchii kasimakat süleerü

Tü ipakalirua eesü wanaa sümaa, tü uchikat yaalkat Santamarta. süka müin shia wanawas tü nachitkat

Pasanain sünain wüinrua sumaa uchiiruwa: mmaa aküjakat shichiki jamüin sain tü wajirakat

Ya pasanain sünain wajira, tü mmaakat unapünaasü, nojotsü yaletüin eesü maaka 50 m nee. muejeese “ yanuurain “ sünüulia.

Chaaya uchumüin waneejet suupuna mmaakat: eitüs waneepia juya yaaya. jotta shia unaapunasü, shia joulüin tü suulujalakat wüinkat, Rancheria sumaa cesar. musejese iyootein pünatjüt sutüma. eesü shialera maakat 200 m. eeje sotkot palaa.

Maakat tü yaasü paasanain sünain piamasü uchiirua: uchikalirua perija jotta musia uuchikat Santamarta. yaaya watta stalin kasaa yaaka suluu.

Mma jaisü jotta musia, sünoutain waneepia

Chaaya ekai uchikat perija, waima sümüin suupunaa mmaakta, suukat kojuuya tü saayulakat. yaaya tü sayulakat eesü maaka sain, 20° C. jotta musica shia kojuya süumüin. tü mmaakat jeketain. shia anainjaa supülaa pünaajüt.

Mmaa anass, yaaya asoteesü punatjüt

Eere mmaa unaapunain, suttpaa wüinkalirua Rancheria suma Cesar. mmaakat yaaya anas, paliraasü sümaa pootshi, jasai. musejese anain main pünatjüu sütümaa. eesü tü kalciokot, potasio jotta musica magnesio. jotta musica shia nojotsü palain.

Waanei sümüin shiirüküt mmaakat chaaya ipunaa

Chaaya ipunaa süralao uchikat, tü maakat nojotsü anain main. jotta musica shia koushiisü sutüma juyaakat. shiane eeka tü shipiajatkat, maaka sain alamoulia, jotta musia mojui.

Shirüküt mmaakat, anakat atüma wane kasat

Tü mmaa eere tü DCS, nojoolain tü sütsüinkat maaka sain, hierro, cobre, zinc jotta musica fosforo. tü sheejükat ( PH ) anas. jotta musia tü mmaa anakat main shia tü sotpaakat wuïkat, jotta musica tü maa epüin saanala wüinkat.

Mmaa eere paliirain kijot, jasai, pooshi yaaya paasanain

Eere tü uchi joucheinkat, ya sapuutajet. tü mmakat maashisü, suuma nojolüin sütsüin, choujaasü calcio suma fosforo. shiaka chaaya ipunaa eesü tü saanainkat, anas tü punatjutkat, shiale chaaya sao 2000 m. koumüinsü tü saanaikat. musejese joulüin wunuu suuma mojui.

Mmaa anas main, shia nojolüin shitanüin wanawa

Ya wajira tü 70% mmaakat ayataanüs anas shitaaya, shiaka tü wane 27%, nojotsüt anain shitaaya. tü alijunapiakat maaka sain, Molino, villanueva jotta musica Urumita. shiicheküin punatjü, maaka sain cacao, palma, koucha, ro,maiki jotta musia wunü. mayaapaje ein papa, shia suulu süpüshi nee.

Aimajiakat mmaa, yaaya eka tü uchikat perija

Tü uuchikat Perija kojuuya kasa sümaana, jotta musia shia waima sümüin sukuaipa, kasakat yaaya. shia sünaaka achirua tü, sayuulakat, iipünain shia, wünüulia jotta musia kasain naapain naa wayuukana suuma alijuuna.

💧🌾 Yotchon wüinkat, mmaakat ayataanüs wenshi

Tü wüinkalirua yotchon main, etaasü maaka sain, 1%. tü pünatjükat suma tü müurüt arülejuushikat, saawajüin maaka 47%. jotta musia tü mmaa, eere mojui eesü maakat 27%. süpüshi maakat, tü 6% kajuunas süpüushi moojüi, jotta musia ayaatanüs.

🌵Mmapaa jososü, shia katee sou

Tü mmaa kanüliakat subxerofiticos, shia tü eere jain kai, jotta musia tü wünükalirua motsojüusü, sükaapüin tü eesü maaka sain 9%. yaaya nojotsü sain juyaakat, kakaiwaisü süpüla shiitüin. süuka shiataanüin, suma joulüin paa, mojuusü main makaat.

🌳🌾Unatpü shiipawais: mmaakat nojotsü wanetshin

Yaaya jou tü maakat eere süpünajünüin alamaa. shia nojolüin wanetshin tü unatpükat, wattaawas nee. eesü anoushi ya pasanain sünain. suka müin shia nojotkat tü wuchi sheeka maakat, ounüs.

Wunüuliakat shia anaka atümaa mmaakat eka tü uchikakat perija

Washiirü tü yotokoo

Yaaya ekai tü uchikat, Perija (DCS ) eesü maaka poloosü mekisaalümüin (18) wunü. shia mekiisalün shiki tü papüshijaraasükat ( 8 ) jotta musia tü shikikali main, karatshisü ( 7 ). saaka tü, nojotsü ayawajüunüin tü wane wunükaliirua, eeka süpüla kojuyain wünü yaaka nau chi uchikai.

Polypodiaceae ( helechokot )

Schizaeaceae ( süpüshi helechokot )

Shia wane helecho tüuya

Eisalajaa süpüla kataa ou: shia keireeka sain tü DCS uchikat Perija

Tü keireekat sain tü DCS, shia aimajaa tü kasaa yaaka suluu mmaakat, chi uchikai Perija. shia aimajuunakat tü sheeka, wuchi, wüin. aimajünusü maakat suulia yorolomaajüin sütüma juyakat shiitapa. achiaasü naa wayuukana suulia nerajüin sümüin tü maakat, aijaatü napülaa.

Naa anajüliikan sao unatpükat, tü motuukakat ainyü

Tü DCS shia saimajakat tü unatpúkat, tü mojui yaaka sotpaa wüinka, Marquesote,Mocho jotta musia kapuchiina. suma liwotpükalirua, Vira vira. mmaa anas tü, musejese anain süpüla aimajüunaa.

Mmaa tü eirajüunaa achikit, natüma naa eiraliikana

Chiraa uchikata Cerro pintao, chi wüinkai Marquesote, kanüliashi suka sujüittüin jayeechi nanaijee, watta saalin wayenaato nanïliamaajatü. shiasa tia maaka naimajüunai, nojotsü shia sümüiwa aimajunüi, eesia aimajünüi kasa supushuaya, maaka sain tü akuaipa, jotta musia nain naa yaashikana wajira.

Anas epemajirawa uchika sumaa unatshikana: shia saanainka mmaaka

Akumajüneesü sukuaipa tü, mmaakat süpüla anainjatün shia maaka sumaiwa, einjatüin tü wüinkat. ya suulu tü mmaakat yaskat moolü, jotta musia chaaya ipunaa. süpüla anainjtüin punatjü, jotta musia naa yaashikana kepian suulu tü maakat.

Anaa sünainje mmaaka, shia shiilajüunein.

Tü DCS, tü keireekat sain shia tü kalinnjatüin tü kasa yaaka suluu. süpüla anainjaanain naa yaashikna kepian ya suulu. eesü süpüla naapain tü wünü yaakat yaaya, süpüla kasa choujain naamüin. shia nojoluin najattiraleinjatüin shia.